Koca Yusuf Paşa Sebili ve Çeşmesi

Yapımı: (H.1201- M.1786)

Kabataş’ta Meclisimebusan Caddesi üzerinde set önünde bulunan sebil, geçen asır içinde esas yerinden Fındıklı’da Molla Çelebi Camii son cemaat yeri cephesine nakledilmiş iken 1956 yılında buradan da kaldırılarak bugünkü yerine getirilmiştir. Bu sebilin inşasında başka bir benzeri olmayan bir tertip tatbik olunarak tam ortaya bir çeşme bunun iki yanına ikişer pencereli sebilleri yerleştirilmiştir.

Saçağın hemen altında yer alan ve bir baştan bir başa sebili dolanan kitabe şöyledir:

Şehenşāh-ı cihān ‘Abdü’l-ḥamīd Ḫān ibn-i Aḥmed Ḫān

Hemīşe maẓhar-ı feyż-i cenāb-ı Kibriyā’dır bu

Anıŋ ‘aṣr-ı hümāyūnunda bulmuştur cihān zīnet

Her etvārında fā’iḳtir seleften bī-riyādır bu

Ḫuṣūṣā ḳıl naẓar ḫayrātına düstūr-ı ẕī-şānıŋ

Muvaffaḳ oldu ās̱āra aŋa Ḥaḳḳ’dan ‘aṭādır bu

Maḥallinde ’aceb beẕl-i kerem ṣarf-ı himem ḳıldı

Ḫulūṣudur anıŋ bi’l-lāh tevfīḳ-i Hüdā’dır bu

Bu cem‘iyyetli ra‘nā cā-yı pākin yoġiken ābı

Bi-ḥamdi’llāh ki şimdi reşk-i rıḍvān-ı ṣafādır bu

Aḳıttı selsebīl ırmaġını gūyā ki cennetten

Ḥayāt olsun ‘ibādu’l-lāha kim ‘aynü’ş-şifādır bu

Bu semtiŋ āb ü tābın verdi Ḥaḳḳā āṣaf-ı yektā

Şerefle sāḥil-i Fındıḳlı faḫr etse revādır bu

Zülāl-āsā içiŋ ey teşnegān āb-ı muṣaffādan

Sebīl ü çeşme-i pākīze-i ṣadrü’l-‘alādır bu

Nāṣir-i salṭanat ḥāmī-i dīn ü devlet ü millet

Yūsuf Pāşā-yi pür-ṣavlet zehī medḥe sezādır bu

Vekīl-i muṭlaḳ-ı şāh-ı mu‘aẓẓamdır ṣadaḳātle

Du‘āsı vācib-i her ‘uhde-i bāy ü gedādır bu

Nice ḫayrāt-ile nām-ı şerīfin yazdı mermerde

Hüdā-yi maġfiret-sāza kemāl-i ilticādır bu

Degildir zīnet-i ṣūrī cihāna münḥaṣır belki

Li-vechi’llāh es̱erdir tūşe-i yevm-i beḳādır bu

Edip rūḥ-ı revān-ı āl-i pāke tuḥfe-i nā-çīz

Şefā‘at-cūyi-i bāb-ı Ḥabīb-i müctebādır bu

Edībā sen de yaz itmāmına tārīḫ-i zībāsın

Söz olmaz ṭarḥına a‘lā sebīl-i dil-küşādır bu

Sene 1201

Kaynak